SPONCERS

1

Tuesday, December 23, 2014


Untitled-1தமிழ் சினிமாவில் நெருங்கிய நண்பர்கள் விஷால், ஜீவா. மேலும் இவர்கள் நட்பிற்கு மற்றொரு காரணம் என்றால் அது இந்திய சினிமாவின் நட்சத்திரங்களுக்கு இடையே நடக்கும் கிரிக்கெட் போட்டி.
தற்போது வரை நம் சென்னை அணியின் கேப்டன் பதவியில் நீடித்த விஷால், இந்த வருடம் விளையாடவில்லை.
அவருக்கு பதில் நடிகர் ஜீவா கேப்டன் பதவியை தொடர்வார உள்ளார். மேலும் சென்னை அணிக்கு ஆர்யா, விஷ்ணு, விக்ராந்த், சாந்தனு ஆகியோர் விளையாடி வருகின்றனர்.


Untitled-1பிரபல நடிகை, தயாரிப்பாளர், தொலைக்காட்சி நடிகை ஆகிய பெருமைகளை உடையவர்  ராதிகா.
ராதிகா தொலைக்காட்சியில் நடிக்க வந்து 17 வருடங்கள் பூர்த்தி அடைந்துள்ளது.
சன் தொலைக்காட்சியில் முதன்முதலாக சித்தி தொடரில் அறிமுகமான ராதிகா, தற்போது ஓடிக்கொண்டிருக்கும் வாணி ராணி வரை தொடர்ந்து 17 ஆண்டுகளாக தொலைக்காட்சியில் வெற்றிகரமான நடிகையாகவும், தயாரிப்பாளராகவும் இருந்து வருகிறார்.
இந்நிலையில் அவர் மகள் ரேயான் மற்றும் மகன் ராகுல் ஆகியோர்களுடன் ரஜினிகாந்த் அவர்களை அவருடைய வீட்டில் சந்தித்துள்ளார்.
ரஜினிகாந்த் ராதிகாவையும் அவருடைய குழந்தைகளையும் சிறப்பாக வரவேற்றுள்ளார்.


Untitled-1ஷங்கரின் ‘ஐ’ திரைப்படம் வரும் ஜனவரி 9ஆம் தேதி  உலகம் முழுவதும்    ரிலீஸ் ஆகவுள்ளது.  நேற்று ‘ஐ’ படத்தின் இந்தி போஸ்டர் வெளியானது. மேலும் ‘ஐ’ படத்தின் இந்தி டிரைலர் இன்று வெளியாகவுள்ளது.
ஏற்கனவே தமிழில் ‘ஐ’ படத்தின் டிரைலர் வெளியாகி பலவித சாதனைகள் நிகழ்த்தி விட்ட  நிலையில் டிசம்பர் 30ஆம் தேதி ‘ஐ’ தெலுங்கு படத்தின் டிரைலர் வெளியாகவுள்ளது.
இந்த படத்தின் பெரும்பாலான காட்சிகள் சீனாவில் படமாக்கப்பட்டுள்ளதாலும், படத்தில் ஹாலிவுட் தரம் இருப்பதாலும், சீனாவில் ‘ஐ’ படம் மாபெரும் வெற்றியடையும் என எதிர்ப்பார்க்கப்படுகிறது.
எனவே சீனாவில் சீன மொழியில் ‘ஐ’ டப்பிங் செய்யப்பட்டு அங்கு மட்டும் சுமார் 3000 தியேட்டர்களில் வெளியாக  உள்ளது.


Untitled-1ஹிரானி இயக்கத்தில் ஆமீர்கான், அனுஷ்கா ஷர்மா நடித்து பாலிவுட்டில் வெளியாகி வசூலை வாரி குவித்து வரும் நிலையில் சர்ச்சைகளையும் வாரி வருகிறது பிகே திரைப்படம்.
இப்படத்தில் வேற்றுகிரகவாசி ஏலியனாக ஆமீர்கான் நடித்துள்ளார். இந்த உலகம் அவருக்கு புதிது என்பதால், கடவுள் நம்பிக்கை, வழிபாட்டு முறைகள் போன்றவை குறித்து பல்வேறு கேள்விகளை ஆமீர்கான் முன்வைப்பது போல காட்சிகள் உள்ளன.
மேலும் கோயிலில் அங்கபிரதட்சணம் செய்வோரை பார்த்து கடவுள் ஏன் இவ்வளவு கஷ்டமான வழிபாட்டு முறையை வைத்துள்ளார் என்று கேட்பது போல காட்சிகள் உள்ளன.
லவ் ஜிகாத் எனப்படும் காதல் புனிதப்போரை ஆதரிக்கும் வகையில் பாகிஸ்தான் நாட்டுக்காரரை, இந்திய பெண் காதலிப்பது போன்ற காட்சி வைத்துள்ளதால் வட இந்திய இந்துத்துவா அமைப்புகள் எதிர்ப்பு தெரிவிக்கிறார்கள்.
இது இருக்க மற்றொருபுறம், படத்தை ஆதரிக்க கோரி ஆமீர்கான் ரசிகர்களும், இஸ்லாமியர்களும் கோஷமிட்டு வருகின்றன.


Untitled-1ஒரு காட்சியின் போக்கில் தனக்கான இடத்தை தக்கவைப்பதும், தன்னை திரும்பி பார்க்க வைப்பதும் வெகு சிலநடிகர்களே. அத்தந்திரத்தை அறிந்த நடிகர்களில் ஒருவர் கருணாகரன்.
இந்த வருடத்தில் ஜிகர்தண்டா, யாமிருக்கபயமே, ஆடாம ஜெயிச்சோமடா, லிங்கா என வெற்றி படங்களை தொடர்ந்து விரைவில் வெளி வர இருக்கும் ‘கப்பல்’படத்தை எதிர்பார்த்து இருகிறார் நடிகர் கருணாகரன்.

“ ‘கப்பல்’ படத்தில் கனகா என்னும் கிராமத்து இளைஞனாக வருகிறேன். காதல், கல்யாணம் ஆகிய விஷயங்கள்அறவே வெறுக்கும் கனகா. வைபவ்- சோனம் பாஜ்வா காதலுக்கு எதிராய் சிறு சிறு திட்டங்கள் தீட்டும் கூட்டத்தின்தலைவன். “

“ ‘ஊர விட்டு ஊரு வந்து…’ பாட்டுக்கு உயிர்??? கொடுத்து ஆடியது மறக்க முடியாத ஒன்று. இப்படத்தில் வைபவ்-சோனம் பாஜ்வா ஜோடியை பிரிக்கும் பாவமோ என்னமோ , எனக்கு கல்யாணம் ஆன மறுநாள் காலை 5 மணிக்கேஷூட்டிங் வெச்சிடாங்க.
ஹனி மூன் எங்க என்று கேட்டவங்க கிட்ட எல்லாம் ‘கப்பல்’ல்லன்னு சொல்லி சமாளிச்சேன்.ஆனா நடந்தது என்னவோ தனி மூன் தான்” என்று சிரித்துக்கொண்டே கூறினார்.

“இப்படத்தை பார்த்த டைரக்டர் ஷங்கர் சார் மற்றும் அவங்க மனைவி என்னை வெகுவாக பாராட்டினார்கள். நானும் ’S’பிக்சர்ஸ் படத்துல நடிச்சிருக்கேன்னு சட்டை காலரை தூக்கி விட்டுக்கலாம். இந்த கப்பலில் எனக்கும் இடமளித்த ‘I’ஸ்டுடியோஸ் நிறுவனத்தார்க்கு “காசு பணம் துட்டு Money” வர வாழ்த்துக்கள் ” என்றுக் கூறினார் கருணா.


Untitled-1முந்தைய படம் எதிர்பார்த்தபடி வெற்றி பெறவில்லை என்பதால், ஆர்யா அதிகமாக எதிர்பார்க்கும் ஒரு படம் மீகாமன். தடையறத்தாக்க படத்தை இயக்கிய மகிழ்திருமேனி இந்த படத்தை இயக்கியுள்ளார்.
மீகாமன் பெரும்பொருட்செலவில் தயாரிக்கப்பட்ட படம் என்பதால், கடன் பிரச்சினையால் படத்தை வெளியிடுவதில் சிக்கல் ஏற்பட்டுள்ளது.
இதை அறிந்த ஆர்யா, தனது சம்பளத்தை விட்டுக்கொடுத்து மேலும் படத்துக்காக வாங்கப்படட பைனான்சையும் தனது சார்பில் இருந்து கொடுத்து படத்தை வெளியிடுவதற்கு உதவியுள்ளார்.
இதற்கு முன்பு, கரு.பழனியப்பன் இயக்கத்தில் விமல் நடித்த ஜன்னல் ஓரம் படம் திரைக்கு வருகிற நேரத்திலும் இப்படி பைனான்ஸ் பிரச்சனையால் படத்தை வெளியிட செக் வைத்தார்கள்.
அப்போது அப்பட நாயகன் விமல் தனது சம்பளமான தொன்னூறு லட்சத்தை முழுவதுமாக கொடுத்துள்ளார். இருவரும் தயாரிப்பாளர்களின் கஷ்டத்தில் பங்கெடுக்கும் நடிகர் பட்டியலில இணைந்திருக்கிறார்.


Raindropss Jingle Bells - Christmas celebrations Photos (3)சென்னையில் குழந்தைகள் நலனுக்காக பணியாற்றி வரும் ரெயின்டிராப்ஸ் என்ற அமைப்பு சிவாலயா சீயர்ஸ் கேர்ள்ஸ் ஹோம் உள்ளிட்ட சில ஹோம்களில் உள்ள நூற்றுக்கும் மேற்பட்ட குழந்தைகளை அழைத்து கிறிஸ்துமஸ் விழாவை கொண்டாடியது.
இதில் இசை அமைப்பாளாகள் டி.இமான், ஏ.ஆர்.ரெஹானா, நடிகை ஆண்ட்ரியா கலந்து கொண்டு குழந்தைகளோடு கேக் வெட்டியும், பாட்டு பாடியும், நடனம் ஆடியும் கிறிஸ்துமஸ் விழாவைக் கொண்டாடினார்கள்.
குழந்தைகளுக்கு சிறுசிறு போட்டிள் வைத்து பரிசுகளை வழங்கினார்கள்.


Untitled-1கேஎஸ் ரவிக்குமார் இயக்கத்தில் ரஜினி, சோனாக்ஷி, அனுஷ்கா நடித்து டிசம்பர் 12-ல் வெளியான லிங்கா வெளிநாடுகளில் நல்ல வசூலுடன் ஓடிக் கொண்டுள்ளது.
அமெரிக்காவில் லிங்கா வசூலில் இரண்டாம் இடம் பிடித்துள்ளது. வெளியான அனைத்து நாடுகளிலும் வசூலான தொகை அடிப்படையில், சர்வதேச அளவில் வசூல் குவித்த தமிழ்ப் படங்களில் லிங்காவுக்கு மூன்றாவது இடம் கிடைத்துள்ளது.
லிங்கா இன்னும் ஓடிக் கொண்டிருப்பதால் இந்த இடம் மாறும் என்று எதிர்ப்பார்க்கப்படுகிறது.


Untitled-1தமிழ் சினிமாவின் ஒப்பற்ற இயக்குனர் சிகரம் கே.பாலசந்தர் அவர்கள் இன்று மாலை காலமானார்.
தமிழ் சினிமாவின் ஜாம்பவான்களான ரஜினி, கமல் போன்ற பலரை அறிமுகப்படுத்தியவர்.
தாதா பால்சாகேப், பத்மஸ்ரீ, கலைமாமணி போன்ற எண்ணற்ற விருதுகளை வாங்கி குவித்தவர். 100 படங்களுக்கு மேல் இயக்கியவர்.
தமிழ் சினிமாவின் சகாப்தமாக திகழ்ந்த பாலச்சந்தர் அவர்கள் சமீபத்தில் உடல்நலம் பாதிக்கப்பட்டு சென்னையில் உள்ள காவேரி மருத்துவமனையில் அனுமதிக்கப்பட்டார்.
இதை தொடர்ந்து அவரது உடல் நலம் குறித்து நல்ல முன்னேற்றம் அடைந்து வந்தது. இன்று மாலை திடீரென சிகிச்சை பலனின்றி மரணமடைந்தார்.

Monday, December 22, 2014


Untitled-160 வயதாகியும் ஓவியா, மீரா நந்தடன் டூயட் பாடிஆடி கொண்டிருக்கிறார் சரத்குமார். காரணம் தன்னை எப்போதும் இளமையாக வைத்திருப்பது தான்.
30 வருடங்களுக்கு முன்பே சென்னை ஆணழகன் டைட்டில் வென்றவர். இப்போதும் உடற்பயிற்சிதான் அவர் உயிர்.
சென்னைக்குள் எங்கு படப்பிடிப்பு நடந்தாலும் சைக்கிளிலேயே செல்பவர் ஆர்யா. தனது காருக்கு பின்னால் எப்போதும் சைக்கிளை கட்டி தொங்க விட்டிருப்பார்.
தற்போது அவரை தொடர்ந்து சரத்குமாரும் சைக்கிள் பயணத்தை மேற்கொண்டுள்ளார். சரத்குமாரின் வீடு கிழக்கு கடற்கரை சாலையில் உள்ள பாலவாக்கத்தில் உள்ளது.
அங்கிருந்து தினமும் அதிகாலை 4 மணிக்கு நண்பர்களுடன் சைக்கிளை எடுத்துக் கொண்டு மகாபலிபுரம் வரை சென்று வருகிறார்.
இதற்கு அவர் “என் வாழ்க்கை ஆரம்பித்தே சைக்கிளில்தான். சைக்கிளில் சென்று பேப்பர் போட்டு சம்பாதித்திருக்கிறேன்.எனவே சைக்கிள் எனக்கு புதிதில்லை.
சைக்கிள் பயணம் உடல் ஆரோக்கியத்துக்கு நல்லது. சைக்கிள் ஓட்டும்போது உடம்பில் உள்ள அத்தனை பாகங்களும் வேலை செய்கிறது.
சைக்கிள் மாதிரி ஒரு உடற்பயிற்சி கருவி வேறு இல்லை” என்றார் சரத்குமார்.


Untitled-1மூன்று மாதங்களுக்கு முன்பு ஹூட் ஹூட் புயலால் ஆந்திராவின் விசாகப்பட்டினம் உள்ளிட்ட பல கடலோர மாவட்டங்கள் உருக்குலைந்து போயின.
புயலால் பாதிக்கப்பட்ட மக்களுக்கு உதவும் வகையில் திரைப்பட நடிகர்கள், நடிகைகள், தயாரிப்பாளர்கள், இயக்குநர்கள், தொழிலதிபர்கள் உட்பட பலர் தங்களால் இயன்ற நிதியை முதலமைச்சரின் நிவாரண நிதிக்கு வழங்கினர்.
தற்போது பொதுமக்கள் நிவாரண நிதியாக ரஜினியும் ஐந்து லட்சம் நன்கொடை அளித்துள்ளார்.
இது ஶ்ரீராகவேந்திரா பப்ளில் சாரிடபிள் டிரஸ்ட் மூலம் ஐந்து லட்சதுக்கான வரைவோலையாக (டிடி) ஆந்திர முதல்வருக்கு அனுப்பப்பட்டது.


Untitled-1சிம்புதேவன் இயக்கத்தில் விஜய், ஹன்சிகா , ஸ்ருதி ஹாசன் , ஸ்ரீதேவி, சுதீப், நடிப்பில் உருவாகி வரும் படத்தில் விஜய் இரட்டை வேடங்களில் நடிக்கும் இப்படத்திற்கு ‘மருதீரன்’ என டைட்டில் வைக்க பேசி வருகிறார்கள்.
இப்படம் பூர்வ ஜென்ம கதை சார்ந்தது. அதில் விஜய் ஒரு தைரியமான போராளியாக விஜய் நடிக்கிறார்.
இதில் பூர்வ ஜென்ம கதையின் வில்லனாக சுதீப் நடிக்கிறார்.


Untitled-1
ஜிகர்தண்டா படம் வெளிவந்து அனைத்து தரப்பட்ட ரசிகர்களை வெகுவாக கவர்ந்தது.
அதிலும் குறிப்பாக பாபி சிம்ஹாவின் நடிப்பு ரசிகர்களை மட்டுமில்லாமல் சினிமா துறையில் உள்ள அனைவரையும் மிரட்டியது.
பிரபல வெளிநாட்டு இணையதளம் ஒன்றில் இந்த வருடத்தில் குறைந்தது 1000 ஓட்டுகள் வாங்கி அதிக மதிப்பெண் பெற்ற படங்களின் பட்டியயலில் ஜிகர்தண்டா 13வது இடத்தை பிடித்து உலகளவில் தனி கௌரவத்தை பெற்றுள்ளது.


Untitled-1இந்தியா நாடே கொண்டாடும் விஞ்ஞானி ஏ.பி.ஜே.அப்துல் கலாம்.
இவர் சென்னையில் நடந்த நிகழ்ச்சி ஒன்றில் கலந்து கொண்டு பேசியபோது ‘என் அருகில் அமர்ந்திருந்த விவேக் என்னுடைய மிக மிக நெருங்கிய நண்பர்’ என அவர் கூற அரங்கமே கைத்தட்டலில் அதிர்ந்தது.


Untitled-1கவுரவம் படத்திற்கு பிறகு ராதா மோகன் இயக்கும் படம் உப்புகருவாடு. இப்படம் காதல், காமெடி கலந்த ஜாலியான படம். ஹீரோயினுக்கு முக்கியத்தும் உள்ள கதை.
இது சென்னை நகரில் வசிக்கும் நடுத்தர குடும்பத்து பெண்ணின் காதலும், அதனால் வரும் பிரச்சினைகளும் காமெடியாக சொல்லப்படுகிற கதை.
ஆடாம ஜெயிச்சோமடா படத்துக்கு பிறகு கருணாகரன் இதில் ஹீரோவாக நடிக்கிறார். இவருக்கு ஜோடியாக அட்டகதத்தி நந்திதா நடிக்கிறார்.
இது பற்றி ராதா மோகன் கூறுகையில் “நந்திதா நடித்து வரும் படங்களில் நல்ல திறமையான நடிப்பை வெளிப்படுத்தி இருக்கிறார். உப்புக்கருவாடு கதைக்கு அவர்தான் பொருத்தமானவர் என்று முடிவு செய்து நடிக்க வைக்கிறேன்.
இது நந்திதாவுக்கு சவாலான ஒரு கேரக்டராக இருக்கும்” என்கிறார் ராதாமோகன்.
Design by | B L - p | N